105. பச்சை விளக்கு இடத்தில் வேகமாக ஒடுவது ஹதீஸில் உள்ளதா?

கேள்வி-பதில்: ஹஜ் உம்ரா

Last Updated on July 7, 2017 by Trichy Farook

ஸஃபா மர்வாவுக்கிடையில் உள்ள முதல் பச்சை விளக்கு பொருத்தப்பட்ட இடத்திலிருந்து மறு பச்சை விளக்கு பொருத்தப்பட்ட இடம் வரை ஆண்கள் மட்டும் சிறிது வேகமாக ஓடும்போது தோள்களை லேசாக குலுக்கவேண்டும் என்பது சரியா? சரியென்றால் எவ்வாறு குலுக்கவேண்டும்? இப்படி ஹதீஸில் உள்ளதா?

பதில்

நபியவர்கள் காலத்தில் பச்சை விளக்கு இல்லை. இந்த இடத்தில் நபி (ஸல்) அவர்கள் வேகமாக ஓடினார்கள் என்பதற்காக இன்றைக்கு சவுதி அரசாங்கம் அங்கு ஒரு விளக்கை அமைத்து நமக்கு அடையாளம் காட்டியிருக்கிறது. நபியவர்கள் வேகமாக ஓடியது ஹதீஸில் உள்ளது தான். 

அல்லாஹ்வின் தூதர் (ஸல்) அவர்கள் மர்வாவில் இறங்கி, பள்ளத்தாக்கின் நடுப் பகுதியில் கால் பதித்தபோது, அங்கிருந்து (தோள்களைக் குலுக்கியபடி) ஓடலானார்கள். பள்ளத்தாக்கின் நடுப் பகுதியைத் தாண்டியதும் (சாதாரணமாக) நடக்கலானார்கள். ஸஃபாவில் செய்ததைப் போன்றே மர்வாவிலும் செய்தார்கள். (நூல்: முஸ்லிம் 2137)

பொதுவான சட்டம்

தோள்களைக் குலுக்க வேண்டும் என்றால் சற்று விரைந்து நடக்க வேண்டும் என்பது தான் அதன் பொருள். மற்றபடி பெண்களுக்கென்று இதில் தனிச் சட்டம் இல்லை. இந்த சட்டம் ஆண் பெண் அனைவருக்கும் பொதுவானது தான்.